7's

a fantastic day

2010-03-08T00:07:00.000+08:00

3月7日,10:30pm

A good day

2010-02-17T02:27:00.001+08:00

2010年2月16日(年初三)21:00

yes,i..do,30mething

2009-09-14T22:51:00.007+08:00

好耐冇買michael lu啲嘢(因為好貴),今次佢為林狗出碟而送公仔,唔知點解覺得好靚,無啦啦買咗兩套(本身共出9隻色),不過display出黎真係唔錯,但係我諗無下次喇.

失驚無神台北之旅4-7/9

2009-09-09T23:01:00.001+08:00

兩星期內confrim,攞護照同埋出發.

お台場ガンダム-odaiba gundam

2009-06-13T18:25:00.001+08:00

過日本揸佢返黎!!

好痛!

2009-05-28T15:41:00.002+08:00

以為機會再次出現,原來係假象,再度失望,好痛!

加人工

2009-05-24T15:33:00.002+08:00

唔覺唔覺返咗3個月工,輕輕力加咗啲人工,係咁嘅市道都算係咁喇,可以幫補吓供車.

my car

2009-05-05T22:32:00.001+08:00

body check!

2009-04-13T20:48:00.004+08:00

人去到某個年紀身體就會有問題,而家正正有呢個感受;因為過去幾個月身體有啲問題,所以係啱啱嘅復活節假走去睇我嘅家庭醫生,佢所比我嘅回復比我預期嘅多,佢要我做比較詳盡嘅檢查,遲啲可能要入院照腸,呢方面真係有啲怕.唉~!!希望如果有啲咩事都有解決方法,最好當然係冇事啦.

animals at war: cat shit one

2009-03-31T22:51:00.002+08:00

用一啲得意嘅動物去做咁真實畫面,個感覺好怪.

extreme sheep LED art

2009-03-19T22:15:00.001+08:00

好懷疑係唔係電腦做??

very patient animal

2009-03-12T00:03:00.001+08:00

隻馬騮好慘,忍得好辛苦.

women and car

2009-03-03T22:03:00.001+08:00

泊車真係好難架!!

kitte fail

2009-02-25T00:31:00.001+08:00

好Q呀!隻猫!!

next cristiano ronaldo

2009-02-19T23:36:00.002+08:00

六歲細路,個波大過個頭,插花插到眼花.

awesome Coca-Cola heist

2009-02-04T13:34:00.002+08:00

呢個廣告配樂好緊要!!

2009--new job

2009-01-22T13:59:00.002+08:00

鼠年臨尾有工搵我interview,以我經驗都係啲人年尾冇嘢做搵人見吓工攪吓事,但係冇理由有工唔去見吖,哈...就係咁鼠年標番個尾會.好...牛年重出江湖!!

超大陣仗 - 崖上的波兒主題曲 ~ 好聽!!

2009-01-20T17:54:00.001+08:00

套戲應該唔會去睇喇,但係首主題曲真係好好聽!

小雙俠打敗敵人頂呱呱

2009-01-14T17:59:00.006+08:00

80年代嘅小雙俠卡通,黎緊2009年會有真人電影,有我係90年代好鍾意嘅深田恭子做女奸角,個女奸角叫咩名就唔記得,反而綠色瘦嘅男奸角就記得叫--波吉,因為我小學時候有個阿sir嘅花名就係叫波吉,真係好似架.細個好鍾意睇呢卡套,依家造型咁忠於原著,希望拍出黎唔好失望啦.

2009--義工

2009-01-05T18:49:00.003+08:00

係2009年嘅第一日做咗人生第一次義工,係大埔一個event裡面幫人畫漫畫人像,開頭諗住幫吓手畫下公仔冇問題吖,但係去到前一兩日就知驚,係大庭廣眾面前畫嘢,如果唔靚比人柴台點算呀...!當時諗過唔去架,但係唔得答應咗人哋,而人哋又咁信你(因為未睇過我啲畫,只係靠我舊同事介紹就信我畫到嘢),所以就係一大早攞住600張A3畫紙入大埔喇.
老實,係畫第一張嘅時候隻手真係震架,但係畫慣咗同埋反應都唔係太差,個心都冇咁驚;就係咁係5個鐘畫咗40張畫,係呢次經驗可以一次過操吓手畫同埋對畫嘢有番啲滿足感;所以都同大會講如果下次有呢啲活動就通知我.
不過雖然有滿足感,但係係咁畫5個鐘又冇咩郩過,真係成身散哂,兩隻手都有啲震,所以event完咗就快快返屋企比兩隻手浸吓熱水休息吓.

smart US police

2009-01-04T21:26:00.000+08:00

merry christmas

2008-12-20T21:25:00.001+08:00

我細路嘅時候就好鍾意聖誕節,覺得係最有氣氛同浪漫嘅節日;小學嘅時侯因為天主教學校,會有唱吓聖詩,做吓三王來朝,我都有上台唱過吓聖詩架,年年小學門口都有馬槽佈置,最記得係小六全校聖誕抽獎,比我抽到個玩具停車埸,可以話小學年代最難忘嘅聖誕禮物.
到咗中學差唔多年年聖誕都出尖沙咀行,係咁行...都唔知為咩?!但係唔出過街又好似唔係聖誕,而係中五嗰年嘅學校party,我記得玩得好開心,可能當時我哋嗰班同學係成級最團結,亦都覺得呢個聖誕節可能係最後一次以學生身份去過,所以玩得特別盡興啦!
喺讀design嘅聖誕節都冇咩特別難忘嘅時刻;到咗出黎做野,先發覺design同聖誕係對立嘅,永遠聖誕至年尾都係好多嘢趕,冇咩時間去感受呢個節日;到咗做decoration嘅時候我有5,6年都好驚咗呢個日子,因為做節日佈置要係好早要做presentation比客睇,而聖誕有時要係5月開始做嘢,記得有一年嘅聖誕前前後後畫咗50幾個聖誕老人嘅造型,到咗聖誕嗰段時間見到啲佈置反而唔係欣賞,而係諗人地點做同估吓個製作價錢,係個時開始就已經對呢個節日已經冇咩憧憬.
去到2004年嘅聖誕因為有一段時間比自已放假,就攪咗差不多50人既party,用咗2個月時間預備,行遍港九揾禮物,雖然最後唔太完美,但係過程都好有滿足感起馬都盡力做過,不過未來幾年都唔敢再攪住.
到前一兩年,因為上一間公司係年頭一定有大型展覽,所以又係趕嘢趕餐死,其中一年仲要趕到病咗,成個聖誕發燒.到咗今年,因為失業少出街,真係feel唔到太多嘅聖誕氣氛,反而有一晚零晨唔覺意睇"Home Alone 2",嗰種細路時候嘅聖誕feel返咗少少返黎,攪到呢排係零晨時份都撞吓有冇啲聖誕片睇.
好想鍾意返聖誕呀!!

the storm warriors poster

2008-12-15T22:40:00.002+08:00

風雲II電影海報,人物兩張好有漫畫感.
雖然本漫畫已經唔好睇,但係電影版等成十年先有第二集,係2009年少有期待嘅港產片.

amazing basketball trick shots

2008-12-11T22:22:00.000+08:00

應該唔係剪接啩!?

活在當下

2008-12-02T14:11:00.004+08:00

展現在眼前的現在,
在你還未說完現在的"現"字時,便已經成為過去.
我認為過去只能夠回味,
一瞬之後的未來才是現在,
要把眼光放在一瞬之後的未來,才可以趕上現在.
我要活在當下.

以上嘅內容唔係我寫,只係喺一本日本漫畫嘅作者引言中所寫(可能佢都係引用其他文章)
係呢段內容我覺得作者想講要計劃將來,返而我會睇到要珍惜現在,因為"現在"係一瞬即誓成為歷史,呢一刻擁有,唔代表下一刻都屬於你.

撕紙機

2008-11-27T22:43:00.006+08:00

繼啪啪紙機同唧唧枝豆之後,日本無聊產品第三彈---撕紙機.
正!!...期待中!!

i told you not to bite my ear

2008-11-20T18:27:00.000+08:00

"搲撈"

2008-11-11T15:27:00.002+08:00

呢個金融海啸真係好勁,3個月見得4份工,黎緊仲要冇咩工可以apply,好灰!!而家只有靠做freelance渡日,所以大家有咩job要攪可以搵我,所有關於design嘅都冇問題,平靚正!!

中環有鬼...

2008-11-06T18:11:00.000+08:00

有創意,我鍾意!

NOODLE-MEN postcard

2008-11-04T17:13:00.007+08:00

杯麵男--又係十幾年前既稿,不過今次唔同,係一個長遍漫畫故仔,有劇本(係我同當年老細一齊諗,改咗好多次),又有設定(都改咗好多次,因改劇本所以要改設定);當年都畫咗10幾張稿,見將近書展,所以做一批postcard出黎賣同宣傳,嗰時都幾好賣架.

遲啲再post啲設定同其他鉛筆稿.

best man makes the worst mistake

2008-10-20T13:55:00.001+08:00

十幾年前未完嘅稿

2008-10-09T18:05:00.005+08:00

又搵到套十幾年前嘅稿,不過呢套冇得面世,題材太死亡唔啱細路睇(原意係報紙逄星期日出連裁十期),之後登咗另一套叫"魚樂無窮"(但係呢套就搵唔番),雖然係咁我都係比較鍾意呢套.(好唔好畫埋落去呢)

over-speed

2008-10-07T17:08:00.000+08:00

新.伊索寓言

2008-10-07T16:15:00.009+08:00

係冇嘢做就執吓嘢啦,比我搵番呢啲稿出黎,都差唔多成14年前;當年係啲兒童書刊出過幾期架.

又有新nds--ndsi

2008-10-02T17:15:00.011+08:00

薄2.6毫米，GBA插槽撤銷！
增添SD卡槽，可以自己下載遊戲軟件。
雙畫面都將變為3.25寸。
相機機能：播放機能內置攝相頭30萬像素，雙畫面都可以觸摸，用照片來玩遊戲播放功能中，播放速度可以自由調節。
比DSL輕12%，薄2.6毫米，喇叭的音質提高，內置的攝像頭具有面部識別功能。
發賣日期：11月1日。首發只有白黑兩種顏色，售價18900日圓。

曼聯開league一勝一和一負

2008-09-17T14:53:00.003+08:00

英超開咗league四個星期,曼聯錄得一勝一和一負嘅紀錄(因為有一個星期去打超級盃,所以打少咗一場),同上年開league差唔多,希望最後成績都同上年可以成為雙冠王啦!(其實今年人腳仲好過上年,有機做三冠王.)

減價

2008-09-17T14:44:00.002+08:00

個半月喇,仲未搵到工;有份有得second in,仲問我係唔係隨時返得工,以為ok啦,最後都衰咗!最慘掟咗咁多resume出去都冇fedback,加埋呢排個市咁差,可能要減減價,最多第時係做多啲freelance幫補下,而家最緊要搵到份工先!

好冇用

2008-09-03T13:49:00.003+08:00

2008已經過大半年,係年頭聽啲運情野;話今年係各方面都會唔錯,一向都唔會攞係心上;聽咗就算,但係再對一對而家,真係千祈唔好信.呢大半年可以話係断靱帶之後最唔開心嘅日子,搵工搵唔到;有份Temp工做下,但係竟然係10多年做野做得最唔開心,但係同自己講:點頂都要做落去;而係全世界都話可以extend contract嘅時候,就偏偏冇得做.其實係嗰間公司做對我打擊真係好大,一向我係做野嘅人際關係都唔錯,但係係呢度,真係一日講唔到10句野;係咁嘅情況就傳心做野,對住個電腦8-9個鐘做做做,當時只有修正自己觀點,唔可以再當自己係designer,可以係一間國際公司做又有穩定收入(雖然係好多人眼中唔多),放低自己嘅一套,只布望可以extend contract做落去,有咗穩定收入可以去做定下嘅讀書計劃,但係最後就係完咗contract得到失業嘅回報(係我呢10多年工作,有好多計劃,但係所做都係計劃以外,有去負出,但係身邊嘅野都唔我自己攞番黎,係屋企比我).而係再搵工呢段時侯,大家覺得可以唔使返工可以瞓到鍾意幾時起身就幾時起身,日日睇奧運,但係我要自己當返工時間起身,搵工,做freelance;唔可以停,因為我唔想覺得自己好冇用;尤其呢段掟resume出去嘅日子,一向自以為係designer呢行有信心嘅我,真係有d動搖.我只係想要份工,我唔想再要屋企擔心,我想照顧返屋企,用我自己能力去擁有,而唔係單單用錢買到嘅野.

the joker

2008-09-02T13:43:00.005+08:00

係成個暑假只係睇咗蝙蝠俠,套戲好正,好啱我地啲蝙蝠俠迷睇,比添布頓嗰兩集仲正;而係戲裡面最正嘅joker就係套戲未上之前已經知道會出12"figure,嗰時真係好吸引,但係成千蚊一隻,以前我就會諗下,而家就唔會喇...但係最近竟然會出version 2,太正喇!!同真人一樣呀~!!而家同心魔戰闘爭緊...

疑似中暑...好辛苦!!

2008-08-19T11:10:00.005+08:00

星期日打波終於領嘢,係打咗半個鍾,覺得有啲暈同想嘔;最初以為個肚唔舒服,因為成星期個腸胃都有問題,冇諗個中暑呢回事.打打下見人齊就走去休息吓,但係喺休息嗰陣手軟腳軟,成身冇力,見咁情況我都覺得唔對路,即刻係咁飲水;之後見冇咩事又再打過.雖然打完波之後都成身冇力,以為打得落力"支力"得滯姐,但係番到屋企真係唔妥,頭又痛,身又痛,夜晚仲要發埋燒.醫生就話我係中暑,第二日足足瞓咗一日,真係好辛苦呀!!

有冇攬錯呀!!

2008-08-15T15:40:00.002+08:00

唉~!掟咗差唔多10份resume出去,竟然一份feedback都冇,有冇攬錯呀,我真係咁差定個市差呀!?

機頂盒睇2008北京奧運

2008-08-15T15:24:00.003+08:00

屋企買咗個機頂盒睇奧運,除咗有高清睇;仲多咗幾個台,唔使只係睇中國同香港,有其他國家睇吓.而家屋企差唔多12小時都播緊奧運,連廣告位都冇,因為一有廣告就轉台,總有一個台播緊奧運,雖然屋企係12小時直播但係因為要做freelance,所以聽多過睇,但係日日都係咁開始有少少悶;同埋可唔可以比我睇番家好月圓呀!

find job again!!

2008-08-01T20:27:00.003+08:00

Temp job嘅3個月話咁快就完,雖然係呢度做得好唔開心(日日一個人食lunch),但係係佢話唔同我續約嗰一刻;我嘅感覺真係好差...!!好差...!!好差...!!

My next target -- Toyota BB

2008-07-21T22:11:00.002+08:00

Nike: take it to the next level - directors cut

2008-06-29T20:33:00.003+08:00

一個好足球迷嘅廣告(full version),電視播緊嘅version太短喇!

pepsi football advertisement 2008

2008-06-29T20:25:00.001+08:00

呢個好睇過依家電視播緊嗰個

Cristiano Ronaldo vs. Billy Wingrove

2008-06-14T22:53:00.002+08:00

歐洲國家盃08

2008-06-07T00:06:00.003+08:00

漫長嘅捱夜生活由6月7號晚又開始喇;兩年前嘅世界盃捱夜日子,啲同事話我返工嘅時候仲精神咗,好~!!今年再接再厲~捱足一個月.

http://en.euro2008.uefa.com/index.html

Coca-Cola TVC

2008-06-05T19:33:00.001+08:00

Black week

2008-06-04T23:31:00.002+08:00

上星期真黑仔,本身由星期四,六,日打三場波;星期四嗰日因為落足成日雨以為夜晚都冇希望就取消咗,但係最後一滴雨都冇落過;星期六成日都冇落雨,心諗打得成啦,一去到球場打咗五板波,就傾盆大雨;到星期日終於打到啦,就係差不打完嘅時候,只不過跳一跳,落地嗰下膝頭攞一攞,嘩~!!真係痛到嘔呀!!之後就好驚,因為心諗唔係咁邪,好似上次咁一返新工就斷靱帶呀!?之後就走去睇鉄打,經醫師嘅診斷應該就唔係斷靱帶,只係拉傷咗啲靱帶同軟組織,嗰一刻都冇咁驚:就係咁足足睇咗成星期鉄打,而家慢慢康復中;唉~成個幾星期打唔到波!!

歐聯07-08冠軍

2008-05-23T00:35:00.007+08:00

英超07-08冠軍

2008-05-12T03:49:00.005+08:00

英超, 歐聯雙冠王最後直路

2008-05-07T23:07:00.002+08:00

曼聯只要贏多兩場就可以成為英超同歐聯嘅冠軍,英超只要贏韋根(唔可以打和),歐聯只要贏車路士(冇得打和,一場定生死),但係如果有咩差池咁就將兩項冠軍比咗車路士,所以我真係好憎車路士,乜都同曼聯爭,人又爭,獎又爭!!

代價

2008-04-30T19:08:00.003+08:00

隻手臂同手指公成日奄奄痛,係時候睇睇鉄打,其實我都知因為打網球打得多嘅問題,但係諗唔到阿醫師會包到我好似比人斬咁,佢係唔係整蠱我呢!!

give me a chance

2008-04-29T13:47:00.005+08:00

五月返新工喇!雖然係temp,但係機會係要爭取嘅!!

一年廿幾隻 - 山口式

2008-04-29T13:33:00.003+08:00

又係執野入倉先有機會影呢張相,呢個系列儲咗一年多啲已經有廿幾隻,質素唔錯,價錢又唔貴,應該會繼續儲落去嘅!

終極玩具 - 舊一號

2008-04-25T16:50:00.003+08:00

因為就快要返工,所以呢機日密密執嘢入倉,就因為咁終於見番呢件終極玩具,嗰時有個願望係有能力買樓嘅時候,就將佢放係門口,幾型呀!唉~!!不過,今次佢重見天日嘅時候就係入倉;但係我唔會放棄我嘅願望,一定要將呢件終極玩具,放係屬於我屋企嘅門口.一定!

08-09 Los Angeles Galaxy H/A Jersey

2008-04-11T01:40:00.008+08:00

碧咸08-09洛杉磯銀河新波衫,正!對深色作客嗰件好有興趣,諗諗佢先

pls give me a job

2008-04-11T01:22:00.003+08:00

工呀!比份工我呀!!我要使錢呀!!!

小雲同小吉好重要

2008-03-26T16:20:00.002+08:00

呢排執嘢入倉,見有空位立即display呢套買咗成幾個月嘅小吉盒蛋出黎.開頭唔諗住買架,成300蚊,但係係史sir帶咗一隻返工公司之後,要投降喇,太正喇;好彩買得快,過多幾日炒到500幾,依家有錢都買唔到;不過聽聞5月會有再版,買唔買番套原色呢,因為我呢套特別色(有兩隻係唔同色),硬係覺得原色靚啲.

新玩具

2008-03-18T15:52:00.004+08:00

其實上年已經想買喇,但係無啦啦比成皮嘢又唔係好想...不過今次為咗用黎見工,就用咗2日時間搜集資料,就買咗呢部Toshiba A200,希望可以幫我搵到份好工啦.

兩難存

2008-03-12T13:03:00.002+08:00

原來搵工同做freelance好難共存架,冇工番已經1個多星期,但係仲未搵過工,就係日日做freelance,好多朋友都介紹啲工叫我寄Resume試下,硬係冇"的"起心去做.唔得!!!!要快啲清哂啲freelance,要搵工,我要錢!!要買野呀!!

又一年

2008-03-07T13:15:00.001+08:00

又一年,都係一事無成,比起上年更失敗.

足總盃十六強 vs 阿仙奴(4-0)

2008-02-18T16:02:00.003+08:00

唉~!!係聯賽失得太多分喇,已經唔寄望攞到冠軍,反而係足總盃可以嬴到阿仙奴4比0,就真係大快人心,將目標放係足總盃同歐聯.有時鐘意一隊波,雖然對佢有一定嘅期望,但係一失敗咗就會搵其他嘢安慰吓自已,又或許者幫佢訂下另一啲目標,呢啲就係fans心態,睇下曼聯嗰件紀念慕尼黑空難嘅懷舊波衫,雖然嗰日著住輸波(仲要係比同巿曼城打破主場不敗嘅紀錄),但係件衫著得幾型呀.

初六澳門一日遊

2008-02-18T15:07:00.016+08:00

新正頭去咗澳門一轉,其實過去都係食下嘢,睇下啲賭場同買下手信.嘩!嗰啲賭場真係豪到冇嘢講;淨係行吓個威尼斯人都行咗成兩幾個鐘,雖然啲賭場咁金碧輝煌,但係就千篇一律,同埋去賭錢嗰啲人嘅樣真係......反而一啲橫街窄巷靜靜地個感覺仲正.

兄弟

2008-02-15T16:31:00.000+08:00

係新年前幫史sir做兄弟,嗰日做佢夜晚婚宴嘅統籌,真係好忙,但係都算順利,冇咩出錯;但係上晝就真係凍到呢~,之後先知嗰日係入冬以黎最凍嘅一日仲要落埋雨,第二日都唔知係唔係凍過龍定太攰攪到血壓高,瞓咗一日冇得打波.做完呢次兄弟之後,下次就會7月幫另一個friend做兄弟,到時會唔會係入夏最熱嘅一日呢,咁就經典喇!

cloverfield

2008-01-25T17:15:00.000+08:00

對呢套戲好有興趣,聽聞佢係一套互動電影;成套用記錄片嘅手法去拍(搖到飛起),得70幾分鐘,唔知原因,唔結局,要係網上搵資料組合成套片,當佢唔係一套電影,而係新聞片咁做,好特別.

好想去睇呀~!但係都係等dvd出啦...

呢啲係重組套嘅資料同網:

http://www.youtube.com/watch?v=NfTWm1nCgLc&feature=related

http://home.windstream.net/dacevedo/tagruato/profile.php

http://www.tidowave.com/

http://www.slusho.jp/

http://hk.youtube.com/watch?v=zU-Aa_nXV0U&feature=related

http://hk.youtube.com/watch?v=kVbv1G-tkfc&feature=related

http://hk.youtube.com/watch?v=qSVPxR58nMY&NR=1

http://hk.youtube.com/watch?v=HsXL5_loH24&feature=related

http://www.jamieandteddy.com/

password:jllovesth

http://www.1-18-08.com/

曼聯英超第二十二週 vs 紐卡素(6-0)

2008-01-17T16:46:00.000+08:00

真係好矛盾,太過一面倒喇,雖然入得波多;但係真係有啲悶,下半場後段好似踢緊練習賽咁!
好嘞!上番榜首,就咁帶到尾啦~!!

爆笑comics(由同事K提供)

2008-01-17T16:39:00.000+08:00

同事K大變身

2008-01-14T17:24:00.000+08:00

上星期幫同事K買西裝預備做史sir嘅兄弟,本身我自己經預咗會著啲咩衫,但係幫完同事K攪好咗個兄弟look之後,我有少少動搖,一向騎騎呢呢嘅佢,著咗套西裝之後成個人唔同哂,醒目哂,我唔可以衰過佢架,唔~!我要認真諗諗喇.
(本身我想post同事K張西裝相比大家睇睇,但係我驚佢反面.)

曼聯英超聖誕新年賽程

2008-01-11T11:43:00.000+08:00

聖誕新年期間,曼聯曾經上過榜首,但係唔爭氣,失驚無神輸比韋斯咸,仲要領先一球輸番轉頭,真係好少有,攪到而家做番阿二,少阿仙奴2分;其實係呢段期間曼聯整體踢得唔係咁好,不過曼聯最上力嘅時間係3月,所以對佢有絕對信心,努力呀~!要攞英超冠軍呀~!!

遞信辭職

2008-01-11T11:28:00.000+08:00

又聖誕,又新年,又公司展覽,又freelance,攬到成個月冇理過個blog.係新嘅一年決定咗1月30號遞信,2月29就係last day喇;需然做咗10幾年嘢,但係今次只係第2次遞信辭職咋.

無聊IQ題---答案

2007-11-30T15:19:00.000+08:00

問:農場裡面,咩嘢動物唔舒服?

答:牛牛(牛嘔)

曼聯歐聯小組第五輪 vs 士砵亭 (2-1)

2007-11-30T14:46:00.000+08:00

已經可以晉級第二圈,只差係唔係首名出線,所以呢場波嘅重點係C朗或者蘭尼會唔會對住母會有入球,最後C朗係諗住和波完場嘅情況下射入炮彈式罰球,入咗之後仲要整個好吋嘅樣.

曼聯英超第十三週 vs 保頓(0-1)

2007-11-30T14:37:00.000+08:00

第二場輸波,衰自大輕敵,低死,無傷無病收起C朗,已經無咗朗尼,攪到落後一球之後追唔返.嗱!已經同阿仙奴差3分,人哋仲要踢少場,唔可再輸啦.唔該!

郭富城舞林正傳演唱會

2007-11-30T14:09:00.000+08:00

一個幾好"睇"嘅演唱會,視覺效果好正,尤其個垂直舞台;但係我坐係山頂位,好多時比啲喇叭(紅圈圈住就係郭富城企嘅位置)同埋個台本身阻住,好多時都見唔到郭富城.另外係唱方面竟然跳住舞唱仲好過企定定唱慢歌.不過聽聞佢下次再唱都會係3年後做舞台劇,我都有啲興趣.

春田花花幼稚園校訓100條

2007-11-28T18:25:00.000+08:00

讀出聲會好好笑 :

1. 　每天要高聲朗讀 100 條校訓一遍。
2. 　哎吔！
3. 　不准交學費時「   」聲。
4. 　不得用雞翼尖頂別人個雞心。
5. 　不得食餅餅食到滿口滿牙餅餅渣時張開咀巴驚嚇老師個心。
6. 　不得咬別人個頭。
7. 　不得不交學費。
8. 　不要這樣好不好。
9. 　嗱，真的不要這樣。
10. 　我愛您。
11. 　唱歌不得震喉震得不緊要。
12. 　不准小便不準，小小不準也不准。
13. 　小過三次便算大過一次，大過三次便要停學。
14. 　小便三次便算大過一次，大過三次便要停學。
15. 　大便過大算三次，一次過小三次便要學停過。
16. 　不得小小不滿意便考慮轉校，對面街的幼稚園其實仲渣就真。
17. 　不准吃了一舊又一舊。
18. 　不准說話一舊舊。
19. 　不准一腳踏到隻蟑螂變屎餅後還要老師看看，驚嚇老師個心。
20. 　交學費。
21. 　不准拉拉扯扯。
22. 　不准「痾」「痾」聲高叫。
「吖」「吖」聲、「咩」「咩」聲、「哎」「哎」聲等則有時准，有時不准，要聽過至知。但「痾」「痾」聲就一定不准。
23. 　說話結尾不得加個「囉」字，這樣不太好囉。
24. 　發問前要舉手。
25. 　發問後要放低手。
26. 　發問前和發問後之間，把手扣在手骹上。
27. 　不得問老師或校長：「咩啫？」
28. 　唱遊時不得用兩隻食指篤面面懶可愛，驚嚇老師個心。
29. 　交學費囉。
30. 　不要吃別人個包。
31. 　不得遲交學費足足一個星期都有，驚嚇校長個心。
32. 　要大個仔大個女，不要把「車」叫作「車車」，不要把「波」叫作「波波」，不要把「頭」叫作「頭頭」。
33. 　不要當我「 LuLu」。
34. 　上課記緊要帶自己個頭頭。
35. 　不在乎天長地久。
36. 　不准留鬚（貓科類學生除外）。
37. 　長大後不要怨我們。（要怨就怨你自己）
38. 　不要吃九製陳皮。那是老師的。
39. 　不得明明收了聲，又喊，驚嚇老師個心。
40. 　不准乘坐名貴房車上學，驚嚇校長個心。
41. 　不得不這樣。
42. 　久不久就想起你。
43. 　不得痴心枉種。
44. 　不可吃得太飽打屎噎，驚嚇同學。
45. 　不如算數。
46. 　不可吃吃吓卡樂 B 薯片問人幾點。
47. 　交學費。
48. 　不准上課打瞌睡噶噶聲流口水打擊老師個心。
49. 　上課全班一起叫「老師早晨！」「校長早晨！」
時不得把音調故意拉長說成
「老 ─ ─ 師 ─ ─ 早 ─ ─ 晨！」
「校 ─ ─ 長 ─ ─ 早 ─ ─ 晨！」，延誤學業。
50. 　放學全班一起叫「老師再見！」「校長再見！」
時不得把音調故意拉長說成
「老 ─ ─ 師 ─ ─ 再 ─ ─ 見！」
「校 ─ ─ 長 ─ ─ 再 ─ ─ 見！」，延誤收工。
51. 　不要一味話得得得。（要真係得至好。）
52. 　要因應環境，不得隨便賴尿。
53. 　不准不孝。
54. 　要孝。
55. 　上廁要排隊（位置不得轉讓或以有限公司方式更換董事）。
56. 　不得這樣傻皮。
57. 　交學費。（支票抬頭請寫「德和燒味」）
58. 　不可在上課時吃杯麵吃到「  」「  」聲。
59. 　不可移民，驚嚇校長個心。
60. 　不過不失咁啦。
61. 　不要吃特點。不抵。
62. 　不嬲都冇折。
63. 　不經不覺又幾年。
64. 　久不久又想起你。
65. 　不要發忟憎。
66. 　不要撩人哋。
67. 　不要眼大睇過籠。
68. 　不要朦眼。
69. 　不要對月亮起誓。 by<莎士比亞>
70. 　交學費。
71. 　不得貪口爽。
72. 　吧啦啦啦啦吧。
73. 　吧啦啦啦啦吧啦啦啦。
74. 　吧吧啦啦吧吧啦啦啦啦啦啦啦吧吧吧吧啦啦吧吧啦啦啦啦吧吧吧吧啦啦啦啦啦 Boo Boo Bon Bon。
75. 　不得批評別人有少少黐線。
76. 　你先至有少少黐線就真。
77. 　吧啦吧啦啦啦啦啦吧。
78. 　交學費。（本票或現金）
79. 　不得咬老師個菠蘿油。
80. 　不得都要得。
81. 　好嘢還有二十句校訓便作完。（密切留意最精采的校訓第 93 條。）
82. 　不得忘記本校校訓。（尤其最重要的 93 條。）
83. 　不要兩頭望。
84. 　交學費。
85. 　你的名字，我的訓示。（尤其第 93 條。）
86. 　要記起我。
87. 　 Love You Forever！（留意第 93 條。）
88. 　交學費。（都係最好現金吖唔該。）
89. 　「畢」多碗飯畀我吖唔該。
90. 　不得咬本校校訓。（尤其第 93 條。）
91. 　不得用腳腳踢別人的暈精。
92. 　哎吔！
93. 　不准偷看。（原「校訓 93 」已遷往「校訓 98 」。不准再偷看，否則用腳腳踢你的暈精。）
94. 　不要令別人失望。（密切留意校訓 98！）
95. 　臨睡前要吃一碗粗麵。
96. 　吃完粗麵要踢腿。
97. 　要一邊踢腿一邊高聲朗讀校訓。
（其中當然包括最重要的第 98 條。沒有第 98 條，就沒有本校，就沒有校長，就沒有老師，就沒有你。畢生也要緊記本校校訓第 98 條！）
98. 　冇校訓九十八，就冇本校，就冇本校長，冇老師，亦唔會有各同學 -- 記住，畢生都要緊緊記住：「忘記荔芋火鴨扎，也不可忘記校訓九十八」
99. 　吧啦啦啦啦啦啦 Boo Boo Bon Bon Bon！
100. 交學費。

無聊IQ題

2007-11-16T12:24:00.000+08:00

農場裡面,咩嘢動物唔舒服?

開始倒數

2007-11-16T12:04:00.000+08:00

唉~!!阿奴都走喇,公司香港呢邊越嚟越小人,以前差唔多20人,而家得9個,仲要係星期三,六先有呢個數.以前就話班同事好玩就留係度,而家人都唔多個,都係時侯喇.

冬季新眼鏡

2007-11-16T11:58:00.000+08:00

老餅款

xbox live - CALL OF DUTY 4

2007-11-16T11:21:00.000+08:00

呢排晚晚做軍人,同鬼仔開片;試過零晨3點幾,對住個咪哎"GO GO GO!!",真係好正!!攪到第二朝我爸爸叫我唔好GO得咁大聲.

另外係internet嘅世界,真係會識到你估唔到嘅人,同田田個friend打咗一排COD4,覺得呢個人講嘢幾攪笑,咁我就問田田佢係咩人啦,原來係葛民輝嗰細佬,可能下次同佢阿哥打.

曼聯英超第十二週 vs 布力般流浪(2-0)

2007-11-16T11:05:00.000+08:00

開波前朗尼練習受傷,要唞一個月;諗起季初冇咗佢,場場都"魚生粥",都幾驚曼聯呢場波出事,好彩都贏到,仲要係壓倒性嗰隻;不過有朗尼的話應該可以入多兩球.

無聊IQ題---答案

2007-11-16T10:59:00.000+08:00

問:10樽汽水,分比農場嘅雞,
鴨,鵝. 鵝分到4樽,鴨分到3樽,雞分到3樽
(估一句成語)

答:娥娜多姿

曼聯歐聯小組第四輪 vs 戴拿模 (4-0)

2007-11-16T10:46:00.000+08:00

又一場4比0,但係呢場波我反而冇睇,同我預計一樣對手無心戀戰,連朗尼都都咁講.呢場波之後曼已經可以係小組出線,而家只差係唔係首名出線,不過只要攞多一分就ok,應該冇乜問題,所以未來兩場可以唔使巏眼瞓住.

曼聯英超第十二週 vs 阿仙奴 (2-2)

2007-11-16T10:30:00.000+08:00

贏唔到真係唔抵,兩次領先,但係都比人追番,仲要係補時階段比人入,呢啲就係防守唔集中囉;現時曼聯嘅最大問題.

無聊IQ題

2007-11-02T17:32:00.000+08:00

10樽汽水,分比農場嘅雞,鴨,鵝.
鵝分到4樽,鴨分到3樽,雞分到3樽
估一句成語

曼聯波衫

2007-11-02T17:04:00.000+08:00

鬼佬真係好迷信,話說1996年曼聯著親件灰色作客波衫,場場唔係輸波就係和波,費格遜即刻話要換波衫,咁就換咗件白色作客,之後啲成績真係好咗喎.其實再返查番,因為係球場上便,如果照明系統唔好的話,灰色係睇唔到架,所以之後啲球隊好小用灰色波衫,曼聯就更加唔會用啦,但係我想搵返一件keep下.

無聊IQ題---答案

2007-10-29T16:27:00.000+08:00

問:用10罐油,油1呎x1呎嘅牆. 估一種食品名

答:蠔油

曼聯英超第十一週 vs 米杜士堡 (4-1)

2007-10-28T19:02:00.000+08:00

又一場4比1,勁!!四場波入咗十六球,曼聯嘅攻擊力返哂嚟喇.但係今場波防守方面都係有問題,左右二閘太鬆,防守中場有啲混亂,失第一球就係左閘清極都清唔到個波,攪到中堅防守就錯位而失波,其實同一情況差啲輸多一球,好彩對方把握得差咋!!
下星期榜首大戰對阿仙奴,希望曼聯可以改善下呢個問題啦,因為阿仙奴嘅攻力今年仲勁過曼聯架!

mini games

2007-10-26T11:40:00.000+08:00

係公司唔想做嘢嘅時候玩下;幾好架!

跳、跳、跳http://www.designloveme.com/wp-upload/2007/06/game_no_icon.swf

反轉再反轉http://www.hk10.com/games/files/XU6_s.swf

小病是福?

2007-10-25T20:15:00.000+08:00

返工返咗半日,最後頂唔順病魔,要去睇醫生.三十歲人小小病都好辛苦,最幣今日係我娘親生日,原本book咗枱食飯,唉!唯有改期啦.
諗返自已病嘅原因一定係我同事---阿奴,佢足足咳咗成個月,今日我一病;佢就好精神喇.所以大家要小心啲帶病返工嘅同事.(諗下諗下我係唔係要將啲病傳染比其他人,自已先好返呢?)

曼聯歐聯小組第三輪 vs 戴拿模 (4-2)

2007-10-24T13:15:00.000+08:00

零晨3:00病住起身睇波,比咗now成400蚊;更係有幾多睇幾多啦,一開電視原來開波十分鐘曼聯已經贏緊1球,頂!又睇唔到入波,睇下睇下諗住睇下其他比數啦,一睇返曼聯又入多一球,又miss咗,算喇!唔轉喇,但係反而睇對方入波!唉~!!好彩臨完半場入多球,帶住3:1入更衣室.

下半場各入一球之後4:2完場.其實場波曼聯攻擊方面算ok,快攻好好睇,好有默契,但係防守方面對小組包尾都失兩球,咁就差啲.

xbox live - HALO

2007-10-23T15:33:00.000+08:00

最近同田田用xbox live打機真係好正,自己組隊同啲鬼仔互劈,但係佢哋真係好勁,我射佢4~5鎗先死,佢1鎗就KO咗我,正一"鬼仔電車男".
自己friend互劈都好過癮,我最鍾意係啲暗角用支sniper射人,係個咪同佢地講:"唔好郁,企係呢度就啱",咁就一鎗射爆佢個頭.

刀光劍影

2007-10-23T15:14:00.000+08:00

星期一又要上廠,無無聊聊咁用4個鐘車程;開一個兩個鐘嘅會,仲要只係講唔超過廿句嘢!
真係唔明有啲人用好差嘅語氣去挑戰人哋嘅工作能力,但係對自己亳無好處喎,攪到我要係個會到聽兩條友互劈成半個鐘,都唔係係度解決問題,而係製造問題.

曼聯英超第十週 vs 維拉 (4-1)

2007-10-23T14:58:00.000+08:00

係賽前我估計係作客嘅情況加上陣中國腳級嘅球員打完國際賽,可以打和已經好好,點知一開波十分鍾就輸一球,最慘之後仲要比人係咁攻!心諗:呢場波輸硬;咁橋嗰時田田伉儷叫我打xbox live,咁就走左去打機.但係打打下機心血來潮走去睇下有冇輸多球先,竟然反而贏緊3:1,好想好想睇呀,但係仲打緊機,唯有打完先睇啦.一打完即轉台.....4:1,仲要已經完場,唉~!唯有二日睇重播啦.
賽後領隊費格遜仲話呢場波係開季以來踢得最好;一場好波有直播唔睇,就去睇重播,勁低B呀!!

無聊IQ題

2007-10-23T14:53:00.000+08:00

用10罐油,油1呎x1呎嘅牆.
估一種食品名

第一個7號仔

2007-10-23T09:57:00.000+08:00

1985年第一次睇曼聯,TVB直播嘅足總盃決賽--愛華頓vs曼聯,嗰陣時好似係何守信做講波佬;唔記得邊隊贏,邊隊輸,剩係知曼聯件波衫好形,個7號仔好勁;呢個7號仔就係我第一個鍾意嘅足球員--白賴仁笠臣(BRYAN ROBSON)